ജൂലൈ 6, 7 ദിവസങ്ങള്‍ റേഷന്‍ കടകള്‍ക്ക് അവധിയാണ്. മാസത്തിലെ ആദ്യ പ്രവൃത്തിദിനം റേഷന്‍ കടകള്‍ക്ക് അവധിയുള്ളതാണ്. ജൂണ്‍ മാസത്തെ റേഷന്‍ വിതരണം ജൂലൈ അഞ്ച് വരെ നീട്ടിയതിനാല്‍ ഈ മാസത്തിലെ ആദ്യ പ്രവൃത്തിദിനമായ ഒന്നാം തിയതി റേഷന്‍ കടകള്‍ക്ക് അവധി ലഭിച്ചിട്ടില്ല. അതുകൊണ്ടാണ് ജൂലൈ ആറ് ശനിയാഴ്ച അവധി. ജൂലൈ ഏഴ് ഞായറാഴ്ച ആയതിനാല്‍ അന്നും അവധിയാണ്.
ജൂലൈ 8, 9 ദിവസങ്ങള്‍ റേഷന്‍ വ്യാപാരികളുടെ കടയടപ്പ് സമരമാണ്. ശമ്പളം ലഭിക്കാത്തത് അടക്കമുള്ള ബുദ്ധിമുട്ടുകള്‍ ചൂണ്ടിക്കാട്ടിയാണ് സമരം പ്രഖ്യാപിച്ചിരിക്കുന്നത്. ചര്‍ച്ചകള്‍ക്കു ശേഷം സമരം മാറ്റുകയാണെങ്കില്‍ ജൂലൈ ആറ്, ഏഴ് ദിവസങ്ങളില്‍ മാത്രമായിരിക്കും അവധി.
