പ്ലസ് വണ്ണില്‍ ചേര്‍ന്ന് വിദ്യാര്‍ത്ഥിയെ സീനിയര്‍ വിദ്യാര്‍ത്ഥികള്‍ റാഗിങ് ചെയ്തു. മലപ്പുറത്ത് വേങ്ങരയില്‍ മര്‍ദ്ദനമേറ്റ വിദ്യാര്‍ത്ഥിയെ ആശുപത്രിയില്‍ പ്രവേശിപ്പിച്ചു. മര്‍ദ്ദനത്തില്‍ സാരമായി പരിക്കേറ്റ മുഹമ്മദ് ഷിഫിനെയാണ് ആശുപത്രിയില്‍ പ്രവേശിപ്പിച്ചത്. കോട്ടയ്ക്കലില്‍ സ്വകാര്യ ആശുപത്രിയിലാണ് വിദ്യാര്‍ത്ഥിയെ പ്രവേശിപ്പിച്ചത്. അഞ്ചുദിവസം മുമ്പാണ് വിദ്യാര്‍ഥി സ്‌കൂളില്‍ ചേര്‍ന്നത്. അതുമുതല്‍ സീനിയര്‍ വിദ്യാര്‍ത്ഥികള്‍ റാഗിംഗ് ചെയ്യാന്‍ ആരംഭിച്ചിരുന്നു.
