ചികിത്സ തേടിയെത്തിയ ഇരുപത് വയസ്സുള്ള രോഗിയില്‍ ഡെങ്കിപ്പനിയുടെ അപൂര്‍വ്വ വകഭേദം കണ്ടെത്തിയതായി കോലഞ്ചേരി മെഡിക്കല്‍ കോളേജ്. ഒരാഴ്ചയായുള്ള പനിയും പേശിവേദനയേയും തുടര്‍ന്നാണ് രോഗിയെ ആശുപത്രിയില്‍ പ്രവേശിപ്പിച്ചത്. ഒരാഴ്ച കഴിഞ്ഞും ശക്തമായ പനി തുടര്‍ന്നതിനാല്‍ മറ്റ് പരിശോധനകള്‍ക്ക് വിധേയമാക്കിയതോടെയാണ് പല അവയവങ്ങളെയും കഠിനമായ നീര്‍വീക്കം ബാധിച്ചതായി കണ്ടെത്തിയത്.
തുടര്‍ന്ന് നടത്തിയ പരിശോധനകളില്‍ രോഗിക്ക ഡെങ്കിപ്പനിയുടെ അപൂര്‍വ്വ രോഗാവസ്ഥയായ എച്ച്എല്‍എച്ച് സിന്‍ഡ്രോം( ഹീമോഫോഗോസൈറ്റിക് ലിംഫോഹിസ്റ്റിയോസൈറ്റോസിസ്) ആണെന്ന് സ്ഥിരീകരിക്കപ്പെട്ടു. രോഗി മരുന്നുകളോട് നല്ല രീതിയില്‍ പ്രതികരിച്ചെന്നും ചികിത്സ പൂര്‍ത്തിയാക്കി ആശുപത്രി വിട്ടതായും കോലഞ്ചേരി മെഡിക്കല്‍ കോളേജ് വാര്‍ത്താസമ്മേളനത്തില്‍ പര്‍റഞ്ഞു.
