തെരഞ്ഞെടുപ്പ് അടുത്തതോടെ ഉത്തര്‍പ്രദേശില്‍ പോരാട്ടം കടുക്കുകയാണ്. പോരാട്ടം കടുത്തതോടെ സമാജ്‌വാദി പാര്‍ട്ടിക്കും കോണ്‍ഗ്രസിനും വേണ്ടി രണ്ടു സ്ത്രീരത്നങ്ങള്‍ ഒരുമിക്കുകയും ചെയ്തു. തെരഞ്ഞെടുപ്പില്‍ കോണ്‍ഗ്രസും സമാജ്‌വാദി പാര്‍ട്ടിയും ഒരുമിച്ച് മത്സരിക്കാനുള്ള ചര്‍ച്ച പുരോഗമിക്കുന്നതിനിടെയാണ് പ്രിയങ്കയുടെയും ഡിംപിളിന്റെയും ചിത്രങ്ങള്‍ ഒരേ പോസ്റ്ററില്‍ പ്രത്യക്ഷപ്പെട്ടത്.
അതേസമയം, ഉത്തര്‍പ്രദേശില്‍ സഖ്യമുണ്ടാക്കുന്നതിനെ അംഗീകരിക്കുകയോ അംഗീകരിക്കാതിരിക്കുകയോ ചെയ്യുന്നില്ലെന്ന് കോണ്‍ഗ്രസ് വക്താവ് മനു അഭിഷേഖ് സിംഗ്‌വി പറഞ്ഞു. എന്നാല്‍, സഖ്യമുണ്ടാക്കുന്നത് സംബന്ധിച്ച് പ്രിയങ്കയും ഡിംപിളും ആദ്യഘട്ട ചര്‍ച്ചകള്‍ നടത്തിയെന്നാണ് റിപ്പോര്‍ട്ടുകള്‍.
