പി സി ജോര്‍ജിനെ അയോഗ്യനാക്കണമെന്ന് ആവശ്യപ്പെട്ട് കേരളാ കോണ്‍ഗ്രസ് എം നല്കിയ കത്തിന്, സ്പീക്കര്‍ക്ക് നല്കിയ വിശദീകരണത്തിലാണ് ജോര്‍ജ് നിലപാട് വ്യക്തമാക്കിയത്. വിശദീകരണ കത്ത് നിയമസഭ സെക്രട്ടറിക്കാണ് കൈമാറിയത്.
കൂറുമാറ്റ നിരോധനിയമ പ്രകാരം പി സി ജോര്‍ജിനെ, എം എല്‍ എ സ്ഥാനത്തു നിന്ന് അയോഗ്യനാക്കണമെന്ന് ആവശ്യപ്പെട്ട് കേരള കോണ്‍ഗ്രസ് മാണി വിഭാഗം ജൂലൈ 21നാണ് സ്പീക്കര്‍ക്ക് കത്തു നല്കിയത്. പാര്‍ട്ടി വിപ്പ് കൂടിയായ സര്‍ക്കാര്‍ ചീഫ് വിപ്പ് തോമസ് ഉണ്ണിയാടന്‍ ആയിരുന്നു കത്ത് നല്കിയത്.
