പാര്‍ട്ടി പറഞ്ഞാല്‍ ഏത് ഉത്തരവാദിത്തവും ഏറ്റെടുക്കാന്‍ തയ്യാറാണെന്ന് മുന്‍ മുഖ്യമന്ത്രി ഉമ്മന്ചാണ്ടി. അടുത്ത തെരഞ്ഞെടുപ്പില്‍ പാര്‍ട്ടിയെ നയിക്കുമോ എന്ന ചോദ്യത്തിന്, പാര്‍ട്ടി പറയുന്നതുപോലെ ചെയ്യുമെന്നും മറുപടി.
കോവിഡ് 19 കാലത്തെ കേരളത്തിന്‍റെ പ്രവര്‍ത്തനങ്ങളുടെ കുറവുകളും പോരായ്‌മകളും ഇപ്പോള്‍ ചര്‍ച്ച ചെയ്യാന്‍ ആഗ്രഹിക്കുന്നില്ലെന്നും ഉമ്മന്ചാണ്ടി പറഞ്ഞു. ഇക്കാര്യത്തില്‍ വിവാദത്തിനില്ല. പ്രതിപക്ഷനേതാവ് എന്ന നിലയില്‍ രമേശ് ചെന്നിത്തല കഴിഞ്ഞ നാലുവര്‍ഷം നല്ല നിലയില്‍ പ്രവര്‍ത്തിച്ചുവെന്നും ഉമ്മന്ചാണ്ടി പറയുന്നു.
