ഫ്ലാറ്റ് ഒഴിയാൻ ഒരാഴ്ചകൂടി സമയം അനുവദിക്കണം എന്ന് മാടിലെ ഫ്ലാറ്റ് ഉടമകൾ. 48 മണിക്കൂറിനുള്ളിൽ ഫ്ലാറ്റ് ഒഴിയുക അപ്രായോഗികമാണെന്നും മാനുഷിക പരിഗണന കാണിക്കണം എന്നുമാണ് ഫ്ലാറ്റ് ഉടമകളുടെ ആവശ്യം, ഫ്ലാറ്റുകൾ ഒഴിയാൻ സർക്കാർ അനുവദിച്ചിട്ടുള്ള സമയപരിധി നാളെ അവസാനിക്കാനിരിക്കെയാണ് സമയം നീട്ടി നൽകണം എന്ന ആവശ്യവുമായി ഫ്ലാറ്റുടമകൾ രംഗത്തെത്തിയിരിക്കുന്നത്.
ഇതേവരെ അൻപതിൽ താഴെ കുടുംബങ്ങൾ മാത്രമാണ് ഫ്ലാറ്റുകൾ ഒഴിഞ്ഞിട്ടുള്ളത്. ഇതിൽ അധികവും ഫ്ലാറ്റുകളിൽ വാടകക്ക് താമസിച്ചിരുന്നവരാണ്. ഒഴിയാനുള്ള സമയപരിധി നാളെ അവസാനിക്കുന്നതോടെ താൽക്കാലികമായി പുനസ്ഥാപിച്ച വൈദ്യുതിയും വെള്ളവും വിച്ഛേദിക്കും. ഫ്ലാറ്റ് ഒഴിയാൻ ഉടമകൾക്ക് കൂടുതൽ സമയം അനുവദിക്കുന്നന്നതിനെ കുറിച്ച് നഗരസഭയുമായി ചർച്ച ചെയ്ത് തീരുമാനമെടുക്കുമെന്ന് കളക്ടർ എസ് സുഹാസ് വ്യക്തമാക്കി.
