പെന്ഷന് കുടിശിക പ്രതിസന്ധിയിലായതിനെ തുടര്‍ന്ന് സെക്രട്ടറിയേറ് പടിക്കല്‍ കെഎസ്ആര്‍ടിസി പെന്‍ഷന്‍കാര്‍ നടത്തി വന്ന സമരം ഒത്തുതീർപ്പിലായി. പെൻഷൻ കുടിശിക മുഴുവൻ തന്നുതീർക്കുമെന്ന മുഖ്യമന്ത്രി പിണറായി വിജയന്റെ ഉറപ്പിൻമേലാണ് സമരം അവസാനിപ്പിച്ചിരിക്കുന്നത്. ബുധനാഴ്ച മുഴുവന്‍ പേരുടെയും കുടിശിക തന്നുതീർക്കുമെന്നാണ് മുഖ്യമന്ത്രി നൽകിയ ഉറപ്പ്.
പെന്ഷന് വിതരണത്തിനായി പെന്‍ഷന്‍കാര്‍ അവരുടെ പ്രദേശത്തെ സഹകരണ ബാങ്കില്‍ അക്കൗണ്ട് തുറക്കണം, ഈ അക്കൗണ്ട് വഴി പെന്ഷന് പുറമെ ലഭിക്കാനുള്ള കുടിശ്ശികയും മുഴുവനായി തന്നു തീര്‍ക്കുമെന്നും മുഖ്യമന്ത്രി സമരക്കാര്‍ക്ക് ഉറപ്പു നല്‍കി.
