വെന്റിലേറ്റര്‍ സഹായം 24 മണിക്കൂര്‍ കൂടി തുടരുമെന്നും ഡോക്‌ടര്‍മാര്‍ പറഞ്ഞു. കുട്ടിയുടെ തലച്ചോറിന്റെ നില അതീവ ഗുരുതരമാണ്. തലച്ചോര്‍ പ്രവര്‍ത്തന ക്ഷമമല്ല. എന്നാല്‍, പ്രതീക്ഷ ഇപ്പോഴുമുണ്ട്. അടുത്ത 24 മണിക്കൂര്‍ അതീവ നിര്‍ണായകമാണെന്നും ഡോക്‌ടര്‍മാര്‍ പറഞ്ഞു.
പത്തനംതിട്ട കോന്നി കല്ലേശ്ശേരി കിഴക്കേടത്ത് സുരേഷിന്‍റെ മകളാണ് 16 വയസുകാരിയായ ആര്യ. തൃശൂര്‍ മെഡിക്കല്‍ കോളജിലാണ് ആര്യ ചികിത്സയില്‍ കഴിയുന്നത്. കഴിഞ്ഞദിവസം ആര്യയുടെ ആരോഗ്യനിലയില്‍ പുരോഗതി ഉണ്ടായിരുന്നു. എന്നാല്‍, ന്യുമോണിയ ബാധയെ തുടര്‍ന്ന് ശ്വാസകോശത്തില്‍ അണുബാധ ഉണ്ടായതോടെയാണ് പെണ്‍കുട്ടിയുടെ നില പെട്ടന്ന് വഷളായത്.
