ചുംബനസമരം നാണക്കേട്: ഹൈക്കോടതി
ചൊവ്വ, 16 ഡിസം‌ബര്‍ 2014 (18:10 IST)
ചുംബനസമരത്തെ രൂക്ഷമായി വിമര്‍ശിച്ച് ഹൈക്കോടതി. കോഴിക്കോട് ഡൌണ്‍ ടൌണ്‍ ആക്രമണക്കേസ് പരിഗണിക്കവേയാണ് ചുംബനസമരത്തെ കോടതി രൂക്ഷമായി വിമര്‍ശിച്ചത്.
ചുംബനസമരം സമൂഹത്തിനാകെ നാണക്കേടാണെന്ന് കോടതി പറഞ്ഞു. സദാചാര ഗുണ്ടായിസത്തിനെതിരെ യുവജനസംഘടനകള്‍ നടത്തുന്ന ആക്രമണവും ദൌര്‍ഭാഗ്യകരമാണ്.
കോഴിക്കോട് ഹോട്ടല്‍ അടിച്ച തകര്‍ത്തതാണ് ചുംബനസമരങ്ങള്‍ക്ക് വഴിയൊരുക്കിയത് - കോടതി പറഞ്ഞു.
ഡൌണ്‍ ടൌണ്‍ ആക്രമണക്കേസില്‍ പ്രതികളായ അഞ്ച് യുവമോര്‍ച്ച പ്രവര്‍ത്തകര്‍ക്ക് ഹൈക്കോടതി മുന്‍കൂര്‍ ജാമ്യം അനുവദിച്ചു.
ഹോട്ടലില്‍ നാശനഷ്ടം വരുത്തിയെന്ന പരാതിയില്‍ 50000 രൂപ കെട്ടിവയ്ക്കാനും കോടതി ആവശ്യപ്പെട്ടു.
