നേരത്തെ ബീഹാര്‍ സര്‍ക്കാരാണ് ജാതി സെന്‍സസ് നടത്തിയത്. സെന്‍സസില്‍ കണ്ടെത്തിയ ചില വിവരങ്ങള്‍ സര്‍ക്കാര്‍ പുറത്തുവിടുകയും ഇത് വലിയ തോതില്‍ ചര്‍ച്ചയ്ക്ക് ഇടയാക്കുകയും ചെയ്തിരുന്നു. ഈ സാഹചര്യത്തില്‍ കോണ്‍ഗ്രസ് ഭരിക്കുന്ന കൂടുതല്‍ സംസ്ഥാനങ്ങള്‍ ജാതി സെന്‍സസ് നടത്തുമെന്ന തീരുമാനത്തിലെത്തിയിരുന്നു. പ്രതിപക്ഷകൂട്ടായ്മയായ ഇന്ത്യയ്ക്കും ഇതേ നിലപാടാണുള്ളത്. സംവരണം ആരംഭിച്ച് ഇത്ര കാലമായിട്ടും അധികാര സ്ഥാനങ്ങളില്‍ താഴ്ന്ന ജാതികള്‍ക്ക് ഇപ്പോഴും കാര്യമായ പ്രാതിനിധ്യം ലഭിച്ചിട്ടില്ലെന്നാണ് ജാതി സെന്‍സസിന്റെ കണക്കുകള്‍ പറയുന്നത്.
