പാലക്കാട് ഉപതിരഞ്ഞെടുപ്പിലെ എല്‍ഡിഎഫ് സ്ഥാനാര്‍ഥി പി.സരിനെ പുകഴ്ത്തി കോണ്‍ഗ്രസ് നേതാവ് കെ.മുരളീധരന്‍. സരിന്‍ മിടുക്കനാണെന്ന് മുരളീധരന്‍ പറഞ്ഞു. ' സരിന്‍ മിടുക്കനായതുകൊണ്ടാണ് യുഡിഎഫ് അദ്ദേഹത്തെ ഒറ്റപ്പാലത്ത് മത്സരിപ്പിച്ചത്. യുഡിഎഫില്‍ ഉണ്ടായിരുന്നെങ്കില്‍ അദ്ദേഹത്തെ വീണ്ടും ഒറ്റപ്പാലത്ത് മത്സരിപ്പിക്കുമായിരുന്നു. സരിന്‍ പാര്‍ട്ടി വിട്ടു പോയി. ഇനി സരിന്റെ കാര്യം യുഡിഎഫില്‍ ചര്‍ച്ച ചെയ്യേണ്ട ആവശ്യമില്ല. പാലക്കാട് ഉപതിരഞ്ഞെടുപ്പില്‍ എല്‍ഡിഎഫ് - യുഡിഎഫ് മത്സരമാണ് നടക്കുന്നതെന്ന മുന്‍ നിലപാടില്‍ മാറ്റമില്ല,' മുരളീധരന്‍ പറഞ്ഞു.
