ചലച്ചിത്രലോകത്തെ മരണം ആഘോഷിക്കുന്നവര്‍ക്കെതിരെ ജോയ് മാത്യു; ‘ഔചിത്യബോധമില്ലാത്ത കോമാളികള്‍ക്ക് ഇവിടേക്ക് പ്രവേശനമില്ല’
അടുത്ത കാലങ്ങളില്‍ മലയാള സിനിമയില്‍ നിന്ന് വേര്‍പ്പെട്ടു പോയ ചലച്ചിത്രപ്രവര്‍ത്തകരെ പരിഹസിച്ച് സോഷ്യല്‍മീഡിയയില്‍ പ്രചാരണം നടത്തുന്നവര്‍ക്കെതിരെ നടനും സംവിധായകനുമായ ജോയ് മാത്യു. സ്വര്‍ഗത്തില്‍ സിനിമയെടുക്കുന്നതിനായിട്ടാണ് ഈ രംഗത്തുനിന്നും മരണം കൂടുതലായി ഉണ്ടാകുന്നതെന്നും, നായകനെയും നായികയേയും സംവിധായകരെയും അടക്കമുള്ളവരെ ഇതിനായി മരണത്തിലേക്ക് ആനയിച്ചുവെന്നും ഫേസ്‌ബുക്ക് അടക്കമുള്ള സോഷ്യല്‍ മീഡിയയില്‍ പ്രചാരണം നടന്നിരുന്നു. യുവതാരം ജിഷ്ണുവിന്റെ മരണത്തില്‍ ആദരാഞ്ജലി രേഖപ്പെടുത്തിയ ശേഷമാണ് ജോയ് മാത്യു ഫേസ്ബുക്കില് കമന്റിട്ടത്.
