ഡോക്ടര്‍മാര്‍ അവിഷ്ണയെ ആശുപത്രിയിലേക്ക് മാറ്റണമെന്ന് നിര്‍ദ്ദേശിച്ചിരുന്നുവെങ്കിലും അവിഷ്ണയ്ക്ക് പിന്തുണയുമായി ബന്ധുക്കളും നാട്ടുകാരും നിരാഹാര സമരത്തില്‍ പങ്കെടുക്കുന്നുണ്ട്. അതേസമയം കുട്ടിയെ ബന്ധുക്കളുടെയും നാട്ടുകാരുടെയും സമ്മതത്തോടെ ആശുപത്രിയിലേക്ക് മാറ്റുമെന്ന് വടകര റൂറല്‍ എസ്പി പറഞ്ഞു. എന്നാല്‍ കുട്ടിയെ മാറ്റാന്‍ അനുവദിക്കില്ലെന്ന് പറഞ്ഞ് സമരത്തിന് ഐക്യദാര്‍ഡ്യം പ്രഖ്യാപിച്ച് വീട്ടിലെത്തിയവര്‍ പറയുന്നു.
