വഴിയില്‍ കിടന്നു കിട്ടിയ മദ്യം കുടിച്ച് ഇടുക്കിയിലെ മൂന്ന് യുവാക്കള്‍ ആശുപത്രിയില്‍. ഇവരുടെ സുഹൃത്തിനെ പോലീസ് ചോദ്യം ചെയ്യുകയാണ്. ഇടുക്കി അടിമാലിയിലെ 3 യുവാക്കള്‍ക്കാണ് ശാരീരിക അസ്വസ്ഥത ഉണ്ടായത്. ഇവരുടെ സുഹൃത്ത് സുധീഷിനെയാണ് പോലീസ് ചോദ്യം ചെയ്യുന്നത്. വഴിയില്‍ കിടന്നു കിട്ടിയ മദ്യം സുധീഷാണ് ഇവര്‍ക്ക് നല്‍കിയതെന്ന് ചികിത്സയിലുള്ളവര്‍ മൊഴിനല്‍കിയിട്ടുണ്ട്. അടിമാലി സ്വദേശികളായ അനില്‍കുമാര്‍, കുഞ്ഞുമോന്‍, മനോജ് എന്നിവരാണ് കോട്ടയം മെഡിക്കല്‍ കോളേജില്‍ ചികിത്സയില്‍ ഉള്ളത്.
