വീട്ടമ്മയെ പീഡിപ്പിച്ചതായി പരാതി

വീടിനു സമീപത്തുളള ചോലയില്‍ കുളിക്കാനെത്തിയ മധ്യവയ്‌സ്‌ക്കയായ വീട്ടമ്മയെ ക്രൂരമായി പീഡിപ്പിച്ച നിലയില്‍ കണ്ടെത്തി.  എരുമേലിക്കടുത്തായിരുന്നു സംഭവം. കുളിച്ചു കൊണ്ടിരിക്കെ അതുവഴി എത്തിയ യുവാവ് വീട്ടമ്മയെ  വനത്തിലേക്ക് വലിച്ചു കൊണ്ടു പോവുകയായിരുന്നുവെന്നും കൈകള്‍ കെട്ടിയതിനു ശേഷമായിരുന്നു യുവാവ് പീഡിപ്പിച്ചതെന്നും നാട്ടുകാര്‍ പറഞ്ഞു. 

നാട്ടുകാരാണ് പീഡനത്തിരയായ വീട്ടമ്മയെ അബോധാവസ്ഥയില്‍ കണ്ടെത്തിയത്. നാട്ടുകാര്‍ കാഞ്ഞിരപ്പളളി ജനറല്‍ ആശുപത്രിയില്‍ എത്തിച്ചെങ്കിലും പരിക്ക് ഗുരുതരമായതിനാല്‍ കോട്ടയം മെഡിക്കല്‍ കോളേജിലേക്ക് പ്രവേശിപ്പിക്കുകയായിരുന്നു. വീട്ടമ്മയെ പീഡിപ്പിച്ചുവെന്ന് പറയുന്ന യുവാവിന് സമീപത്തുളള ടൗണില്‍ വെച്ച് മര്‍ദ്ദനമേറ്റതായും പറയുന്നു. 

എന്നാല്‍ വീട്ടമ്മയെ പീഡിപ്പിച്ച സംഭവവുമായി ബന്ധപ്പെട്ട്  പോലീസ് തികഞ്ഞ അനാസ്ഥയാണ് കാട്ടിയതെന്നും പിടിയിലായ യുവാവ് മറ്റൊരു കേസില്‍ ജാമ്യത്തില്‍ ഇറങ്ങിയതാണെന്നും നാട്ടുകാര്‍ ആരോപിക്കുന്നു.