സ്കൂൾ ഫീസ് അടയ്‌ക്കാത്തതിന്റെ പേരിൽ വിദ്യാർത്ഥികളെ ഓൺലൈൻ ക്ലാസിൽ നിന്നും പുറത്താക്കരുതെന്ന് ഹൈക്കോടതി. കൊവിഡ് കാരണമുള്ള ദുരിതം കണക്കിലെടുത്താണ് വിദ്യാർത്ഥികളെ ക്ലാസിൽ നിന്നും പുറത്താക്കുന്ന നടപടികൾ കോടതി തടഞ്ഞത്. ആലുവ മണലിമുക്ക് സെയിന്റ് ജോസഫ് പബ്ലിക് സ്കൂളിലെ 7 വിദ്യാർത്ഥികൾ നൽകിയ ഹർജിയിലാണ് ഹൈക്കോടതിയുടെ ഇടക്കാല ഉത്തരവ്.
സ്കൂൾ ഫീസ് പൂർണമായി നൽകാൻ സാധിക്കാത്തതിനെ തുടർന്ന് വിദ്യാർത്ഥികളെ ക്ലാസിൽ നിന്നും പുറത്താക്കിയാണ് രക്ഷിതാക്കൾ ഹൈക്കോടതിയിൽ ഹർജി നൽകിയത്. ഹർജി 23ന് വീണ്ടും പരിഗണിക്കും. ഫീസ് എപ്പോൾ അടയ്‌ക്കാൻ സാധിക്കുമെൻ അപ്പോൾ അറിയിക്കണമെന്ന് ഹൈക്കോടതി ഹർജിക്കാരോട് ആവശ്യപ്പെട്ടു. കേസിൽ സിബിഎസ്‌ഇ‌യുടെയും സ്കൂളിന്റെയും വിശദീകരണവും തേടിയിട്ടുണ്ട്.
