ഫേസ്ബുക്കിന്റെ പൂര്‍ണ്ണ രൂപം :
സാധാരണ ഗതിയില്‍ രാഷ്ട്രീയ പോസ്റ്റുകള്‍ ഇടുകയോ ഷെയര്‍ ചെയ്യുകയോ ചെയ്യാറില്ലാത്ത ആളാണ് ഞാന്‍. പക്ഷേ ഇന്നലെ ഏഷ്യനെറ്റിലെ ഈ ന്യൂസ് ലിങ്ക് കണ്ടപ്പോള്‍ പുച്ഛം തോന്നുന്നു രാജശേഖരാ താങ്കളോട്. താങ്കളുടെ പ്രസ്ഥാവനയില്‍ ഒരു അക്ഷരം മാറിപ്പോയി. ” ക്രമസമാധാനം തകര്‍ത്തു ‘എന്നായിരുന്നു കൊടുക്കേണ്ടിയിരുന്നത്.
രാഷ്ട്രീയം അത്ര പിടിയില്ല എങ്കിലും ശ്രീമാന്‍ വി മുരളീധരനും കെ സുരേന്ദ്രനും കേരളത്തിലെ ബിജേപി നേതൃത്വത്തില്‍ ഉണ്ടായിരുന്ന കാലഘട്ടത്തില്‍ കേരളം ഇത്രയും വര്‍ഗീയവും ചോരക്കളവും ആയിരുന്നില്ല. ഞാന്‍ ജനിച്ച് വളര്‍ന്ന കോട്ടയം ജില്ലയിലോ വിവാഹം കഴിച്ച് താമസിക്കുന്ന ഇടുക്കി ജില്ലയിലോ അയല്‍ പക്കങ്ങളായി എല്ലാ ജാതി മത വിഭാഗങ്ങളും ഏകോദര സഹോദരങ്ങളായി ആണ് അന്നും ഇന്നും കഴിയുന്നത്.
അത്രയ്ക്ക് വര്‍ഗീയത മുട്ടി നില്‍ക്കുന്ന താങ്കളും ശിഷ്യ ഗണങ്ങളും അതിന് വളക്കൂറുള്ള ഏതെങ്കിലും വടക്കേ ഇന്ത്യന്‍ സംസ്ഥാനങ്ങളിലേക്ക് ഒന്ന് മാറിത്തന്ന് മലയാളികളെ സാഹോദര്യത്താല്‍ ജീവിക്കാന്‍ അനുവദിക്കണം. ഒരു തമാശ ആയിട്ടാണെങ്കിലും രാജശേഖരന്‍ ചേട്ടാ, താങ്കളുടെ കഴിഞ്ഞ ദിവസങ്ങളിലെ പ്രസ്ഥാവനകളും ഗവര്‍ണറുടെ അടുത്തേക്ക് ഉള്ള ഓട്ടവും കാണുമ്പോള്‍ അന്യന്‍ സിനിമയിലെ അംബിയേയും അന്യനേയും ഓര്‍മ്മ വരുന്നത് എനിക്ക് മാത്രമാണോ …?
