Southern Railway: ദീപാവലി ഉത്സവത്തോടനുബന്ധിച്ച് യാത്രക്കാരുടെ അധിക തിരക്ക് ഒഴിവാക്കുന്നതിനായി ദക്ഷിണ റെയില്‍വെ പ്രത്യേക ട്രെയിനുകള്‍ പ്രഖ്യാപിച്ചു. ബംഗളൂരുവില്‍ നിന്ന് കൊല്ലത്തേക്കും തിരികെയും ഉള്‍പ്പെടെ നിരവധി സ്‌പെഷ്യല്‍ ട്രെയിന്‍ സര്‍വീസുകള്‍ ഉണ്ടാകും. സ്‌പെഷ്യല്‍ ട്രെയിനുകളിലേക്കുള്ള അഡ്വാന്‍സ് റിസര്‍വേഷന്‍ ആരംഭിച്ചു.
1. ട്രെയിന്‍ നമ്പര്‍ 06561/06562
06561 എസ്.എം.വി.ടി ബംഗളൂരു - കൊല്ലം എക്‌സ്പ്രസ് സ്‌പെഷ്യല്‍: ഈ ട്രെയിന്‍ ഒക്ടോബര് 16-ന് (വ്യാഴാഴ്ച) ഉച്ചകഴിഞ്ഞ് മൂന്നിനു എസ്.എം.വി.ടി ബംഗളൂരുവില്‍ നിന്ന് പുറപ്പെടും. അടുത്ത ദിവസം (വെള്ളിയാഴ്ച) രാവിലെ 6.20 നുകൊല്ലത്ത് എത്തും (ഒരു സര്‍വീസ്).
2. ട്രെയിന്‍ നമ്പര്‍ 06567/06568
06567 എസ്.എം.വി.ടി ബംഗളൂരു - കൊല്ലം എക്‌സ്പ്രസ് സ്‌പെഷ്യല്‍: ഈ ട്രെയിന്‍ ഒക്ടോബര് 21-ന് (ചൊവ്വാഴ്ച) രാത്രി 11 നു എസ്.എം.വി.ടി ബംഗളൂരുവില്‍ നിന്ന് പുറപ്പെട്ട് അടുത്ത ദിവസം 12.55 മണിക്ക് കൊല്ലത്ത് എത്തും (ഒരു സര്‍വീസ്)
