ഉപ്പുതിന്നവര്‍ ആരായാലും വെള്ളം കുടിക്കുമെന്ന് മുതിര്‍ന്ന ബിജെപി നേതാവ് സി.കെ.പത്മനാഭന്‍. പരിസ്ഥിതി മാത്രമല്ല രാഷ്ട്രീയവും മലീമസമായി. ഉപ്പുതിന്നവര്‍ ആരാണോ അവര്‍ വെള്ളംകുടിക്കും. അത് പ്രകൃതി നിയമമാണ്. ഈ പരിസ്ഥിതി ദിനത്തില്‍ തനിക്ക അത് മാത്രമാണ് പറയാനുള്ളതെന്നും പത്മനാഭന്‍ വ്യക്തമാക്കി. കൊടകര കുഴല്‍പ്പണ കേസുമായി ബന്ധപ്പെട്ട മാധ്യമപ്രവര്‍ത്തകരുടെ ചോദ്യത്തോട് പ്രതികരിക്കുകയായിരുന്നു അദ്ദേഹം. കുഴല്‍പ്പണ കേസ് അന്വേഷണം ബിജെപി സംസ്ഥാന നേതൃത്വത്തിലേക്ക് എത്തിയിരിക്കുകയാണ്. സംസ്ഥാന അധ്യക്ഷന്‍ കെ.സുരേന്ദ്രന്‍ അടക്കമുള്ളവര്‍ സംശയനിഴലിലാണ്. ഈ സാഹചര്യത്തിലാണ് മുതിര്‍ന്ന നേതാവ് സി.കെ.പത്മനാഭന്‍ പാര്‍ട്ടിയെ പ്രതിരോധിക്കുക പോലും ചെയ്യാതെ രംഗത്തെത്തിയത്.
