അയല്‍ സംസ്ഥാനങ്ങളില്‍ നിന്നും നൂറു കണക്കിനു ഭക്തരാണു ക്ഷേത്രദര്‍ശനത്തിനെത്തിയത്. വെള്ളിയാഴ്ച പുലര്‍ച്ചെ നാലിനു തുടങ്ങുന്ന ഗണപതി ഹോമത്തോടെ പൊങ്കാല ദിവസത്തെ ഉത്സവത്തിനു തുടക്കമാകും. നിര്‍മ്മാല്യ ദര്‍ശനം, തുടര്‍ന്ന് വിളിച്ചു ചൊല്ലി പ്രാര്‍ത്ഥന എന്നിവയ്ക്ക് ശേഷം ഒമ്പതു മണിയ്ക്ക് ശ്രീകോവിലില്‍ നിന്ന് ക്ഷേത്രം മുഖ്യ കാര്യദര്‍ശി രാധാകൃഷ്ണന്‍ നമ്പൂതിരി പണ്ടാര അടുപ്പിലേക്ക് അഗ്നി പകരും. പൊങ്കാല ചടങ്ങുകള്‍ക്ക് ക്ഷേത്രം കാര്യദര്‍ശി മണിക്കുട്ടന്‍ നമ്പൂതിരി നേതൃത്വം വഹിക്കും.
