ഒമർ ലുലു സംവിധാനം ചെയ്യുന്ന ഒരു അഡാര്‍ ലവിലെ നായികമാരിൽ ഒരാളാണ് പ്രിയ പ്രകാശ് വാര്യർ. ചിത്രത്തിലെ ആദ്യഗാനം സോഷ്യൽ മീഡിയയിലും യുട്യൂബിലും തരംഗമായതോടെ പ്രിയയും വൈറലാവുകയായിരുന്നു. ഇപ്പോഴിതാ, പ്രിയക്കെതിരെ ഹൈദരാബാദ് പൊലീസ് സ്റ്റേഷനില്‍ പരാതി.
മുസ്ലീം മതവിശ്വാസികളുടെ വികാരത്തെ മുറിപ്പെടുത്തി എന്ന് ചൂണ്ടിക്കാട്ടിയാണ് പ്രിയയ്ക്കെതിരെ ഒരു പറ്റം മുസ്ലീം യുവാക്കള്‍ ചേര്‍ന്ന് എത്തി പരാതി നൽകിയത്. ചിത്രത്തിലെ മാണിക്യ മലരായ പൂവി എന്ന് തുടങ്ങുന്ന മാപ്പിളപ്പാട്ട് ഇംഗ്ലീഷിലേക്ക് മൊഴി മാറ്റുമ്പോൾ അത് മുഹമ്മദ് നബിയെ അധിക്ഷേപിക്കുന്നതാണെന്നാണ് ഇവരുടെ അവകാശവാദം. ഇത് ചൂണ്ടിക്കാട്ടിയാണ് യുവാക്കൾ പ്രിയക്കെതിരെ പരാതി നല്‍കിയിരിക്കുന്നത്.
