മനാഫിനും ഈശ്വര്‍ മാല്‍പ്പെയ്ക്കുമെതിരെ കേസെടുത്ത് കര്‍ണാടക പോലീസ്. ഷിരൂരില്‍ മണ്ണിടിച്ചിലില്‍ മരണപ്പെട്ട അര്‍ജ്ജുനുവേണ്ടി നടത്തിയിരുന്ന തിരച്ചില്‍ വഴി തിരിച്ചുവിടാന്‍ രണ്ടുപേരും ശ്രമിച്ചുവെന്ന് കാട്ടിയാണ് കേസെടുത്തത്. ലോറിയുടമ മനാഫ് തുടക്കം മുതല്‍ തിരച്ചില്‍ വഴി തിരിച്ചുവിടാനാണ് ശ്രമിച്ചതെന്ന് കാര്‍വാര്‍ എസ് പി നാരായണ പറഞ്ഞു. അങ്കോള പോലീസ് ആണ് രണ്ടുപേര്‍ക്കുമെതിരെ കേസെടുത്തിരിക്കുന്നത്. പബ്ലിസിറ്റിക്ക് വേണ്ടിയാണ് ഇരുവരും ശ്രമിച്ചതെന്നും ഇത് ജില്ലാ ഭരണകൂടത്തിന് മനസ്സിലായിരുന്നുവെന്നും ഔദ്യോഗിക സംവിധാനങ്ങളെ നിഷേധിച്ചുകൊണ്ട് സമാന്തര തിരച്ചിലിനാണ് ശ്രമിച്ചതെന്നും പൊലീസ് പറയുന്നു.
