മീനങ്ങാടി സ്വദേശി ബിനീഷ് എന്നയാളില്‍ നിന്ന് കെട്ടിട നിര്‍മ്മാണത്തിന് ഫയര്‍ എന്‍.ഓ.സി ക്ക് അപേക്ഷിച്ചപ്പോഴാണ് കുര്യന്‍ 25,000 രൂപ കൈക്കൂലി ആവശ്യപ്പെട്ടത്. അമ്പലവയലിലാണ് ബിനീഷ് കെട്ടിടം നിര്‍മ്മിക്കുന്നത്. സെപ്തംബര്‍ മുപ്പതിന് എന്‍.ഓ.സി ക്കായി അപേക്ഷിച്ചപ്പോള്‍ ഈ മാസം ഒന്നാം തീയതി ഓഫീസറെ വിളിക്കാന്‍ പറഞ്ഞിരുന്നു. അതനുസരിച്ചു വിളിച്ചപ്പോഴാണ് 25,000 രൂപ കൈക്കൂലി വേണമെന്ന് പറഞ്ഞത്.
തുടര്‍ന്ന് ബിനീഷ് വിജിലന്‍സില്‍ പരാതി നല്‍കി.വിജിലന്‍സ് നല്‍കിയ അയ്യായിരം രൂപ കുര്യനു കൈമാറിയതും കാത്തുനിന്ന വിജിലന്‍സ് ഇയാളെ കൈയോടെ പിടികൂടി. വിജിലന്‍സ് സി.ഐ പി.എല്‍. ഷൈജു, എസ്.ഐ മുസ്തഫ എന്നിവര്‍ അടങ്ങുന്ന സംഘമാണ് കുര്യനെ പിടികൂടിയത്.
