ബാര്‍ കേസ്: ഹൈക്കോടതി വിധിക്കെതിരെ സര്‍ക്കാര്‍ അപ്പീല്‍ നല്‍കും
ചൊവ്വ, 18 നവംബര് 2014 (14:05 IST)
ബാര്‍ കേസില്‍ ഹൈക്കോടതി സിംഗിള്‍ ബെഞ്ച് വിധിക്കെതിരെ അപ്പീല്‍ നല്‍കുമെന്ന് സംസ്ഥാന സര്‍ക്കാര്‍. ഈ വിഷയത്തില്‍ അപ്പീല്‍ നല്‍കാന്‍ കൂടുതല്‍ സമയം അനുവധിക്കണമെന്ന് സര്‍ക്കാര്‍ കോടതിയില്‍ പറഞ്ഞു. അതിനാല്‍ ബാറുടമകളുടെ അപ്പീല്‍ പരിഗണിക്കുന്നത് നവംബര് 25 ലേക്ക് മാറ്റിവെച്ചു.
ഹൈക്കോടതി ഡിവിഷന്‍ ബെഞ്ച് മുമ്പാകെയാണ് സര്‍ക്കാര്‍ അപ്പീല്‍ നല്‍കുന്ന കാര്യം വ്യക്തമാക്കിയത്. ഈ മാസം ഒന്നിനാണ് ഫോര്‍ സ്റ്റാര്‍ ബാറുകള്‍ തുറക്കാന്‍ അനുവദിച്ച സിംഗിള്‍ ബെഞ്ച് ഉത്തരവ് വന്നത്. വിധിയെ ചോദ്യം ചെയ്യുമെന്ന് എക്സൈസ് മന്ത്രി കെ ബാബു വ്യക്തമാക്കിയിരുന്നു. ഈ മാസം നാലാം തിയതി വിധിക്കെതിരെ അപ്പീല്‍ നല്‍കുമെന്ന് അഡ്വക്കറ്റ് ജനറല്‍ കെപി ദണ്ഡപാണി ഡിവിഷന്‍ ബെഞ്ചിനെ അറിയിക്കുകയും ചെയ്തിരുന്നു.
