എം പി വീരേന്ദ്രകുമാ‍റിനോടും ജനതാദള്‍ (യു)നോടും യു ഡി എഫ് ചെയ്തത് ചതിയാണെന്ന് ആര്‍ ബാലകൃഷ്ണപിള്ള. പാലക്കാട് മണ്ഡലത്തില്‍ വീരേന്ദ്രകുമാറിനെ ബോധപൂര്‍വം പരാജയപ്പെടുത്തുകയായിരുന്നു എന്നും പിള്ള ആരോപിച്ചു. താന്‍ അധ്യക്ഷനായ കമ്മീഷന്‍ ഇക്കാര്യം അന്വേഷിച്ച് തെളിവുകള്‍ ഉള്‍പ്പടെ നിരത്തിയതാണ്. ആ റിപ്പോര്‍ട്ട് യു ഡി എഫ് പുറത്തുവിടുന്നില്ലെന്നും പിള്ള ചൂണ്ടിക്കാട്ടി.
യു ഡി എഫിലെ മിക്ക ഘടകകക്ഷികളുടെയും നേതാക്കളെ ബോധപൂര്‍വം പരാജയപ്പെടുത്തുകയായിരുന്നു. എം വി രാഘവനെ തോല്‍പ്പിച്ചു, ഗൌരിയമ്മയെ തോല്‍പ്പിച്ചു, എന്നെ തോല്‍പ്പിച്ചു - ബാലകൃഷ്ണപിള്ള ചൂണ്ടിക്കാട്ടി.
