കേരള കോണ്‍ഗ്രസ് (എം) പാര്‍ട്ടി ചെയര്‍മാന്‍ കെ എം മാണി തന്റെ രാജി ആവശ്യപ്പെട്ടതായി തന്നെ ആരും അറിയിച്ചിട്ടില്ലെന്നും അത് അറിഞ്ഞ സാഹചര്യത്തില്‍ രാജിസന്നദ്ധത മുഖ്യമന്ത്രിയെയും ആഭ്യന്തരമന്ത്രിയെയും അറിയിച്ചെന്നും ജോര്‍ജ് പറഞ്ഞു. ഇക്കാര്യത്തില്‍ യു ഡി എഫ് അന്തിമതീരുമാനം എടുക്കുമെന്നും പി സി ജോര്‍ജ് പറഞ്ഞു.
താന്‍ നീതിക്ക് വേണ്ടിയുള്ള പോരാട്ടത്തിലാണ്. കഴിഞ്ഞദിവസം പാര്‍ട്ടി ചെയര്‍മാന്‍ കെ എം മാണിയും വര്‍ക്കിംഗ് ചെയര്‍മാന്‍ പി ജെ ജോസഫും ഒരുമിച്ചാണ് മുഖ്യമന്ത്രിയെ കണ്ടതെന്നും എന്നാല്‍, വര്‍ക്കിംഗ് ചെയര്‍മാന്‍ തന്റെ രാജി ആവശ്യപ്പെട്ടിട്ടില്ലെന്നും ജോര്‍ജ് പറഞ്ഞു. ജോസഫ് ഗ്രൂപ്പ് തനിക്കെതിരെയല്ല, തന്നോടൊപ്പമാണെന്നും പി സി ജോര്‍ജ് വ്യക്തമാക്കി.
