ചീഫ് സെക്രട്ടറിയെ പരസ്യമായി ശാസിക്കണമെന്ന് തിരുവഞ്ചൂര്‍ യോഗത്തില്‍ ആവശ്യപ്പെട്ടു. ചീഫ് സെക്രട്ടറിയുടെ പരാമര്‍ശങ്ങള്‍ തീര്‍ത്തും അനുചിതമാണ്. മാധ്യമങ്ങളെ കാണുന്നതില്‍ ചീഫ് സെക്രട്ടറിക്ക് നിയന്ത്രണം ഏര്‍പ്പെടുത്തണം. മാധ്യമങ്ങളെ കാണും മുമ്പ് ചീഫ് സെക്രട്ടറി മുഖ്യമന്ത്രിയെ കാണണമെന്നും തിരുവഞ്ചൂര്‍ പറഞ്ഞു.
ചീഫ് സെക്രട്ടറിയുടെ പരാമര്‍ശത്തെ യോഗത്തില്‍ മന്ത്രിമാര്‍ ഒന്നടങ്കം എതിര്‍ത്തു. അതേസമയം, താന്‍ ഡല്‍ഹിയിലെ പ്രവര്‍ത്തന ശൈലി ആണ് പിന്തുടരുതെന്ന് ജിജി തോംസണ്‍ അറിയിച്ചു. എന്നാല്‍ , മുഖ്യമന്ത്രി ഉമ്മന്‍ ചാണ്ടിയും ചീഫ് സെക്രട്ടറിയുടെ നിലപാടുകളെ തള്ളി. ഇതോടെ പരസ്യ പരാമര്‍ശത്തില്‍ ചീഫ് സെക്രട്ടറി ഖേദം പ്രകടിപ്പിച്ചു.
