മുന്‍ മന്ത്രി കെ ബാബുവിന്റെ പരാമര്‍ശത്തിനെതിരെ വി എം സുധീരന്‍ രംഗത്ത്. മദ്യനയമാണ് തെരഞ്ഞെടുപ്പില്‍ യു ഡി എഫിന് തിരിച്ചടിയായതെന്നും തന്നെ മോശക്കാരനാക്കി ചിത്രീകരിച്ചതില്‍ പാര്‍ട്ടിക്ക് വലിയ പങ്കുണ്ടെന്നും ബാബു ആരോപിച്ചിരുന്നു. എന്നാല്‍ അദ്ദേഹത്തിന്റെ വിമര്‍ശനത്തിനുള്ള മറുപടി ഇപ്പോള്‍ പറയുന്നില്ലെന്നും സുധീരന്‍ പറഞ്ഞു.
ജൂണ്‍ നാല്, അഞ്ച് തീയതികളികളില്‍ മത്സരിച്ച മുഴുവന്‍ കോണ്‍ഗ്രസ് സ്ഥാനാര്‍ഥികളെയും പങ്കെടുപ്പിച്ച് ക്യാമ്പ് നടത്തുമെന്നും ക്യാമ്പില്‍ തോല്‍വിയെക്കുറിച്ചുള്ള കാരണങ്ങള്‍ കണ്ടെത്തുകയും പരിഹാരം ആരായുമെന്നും സുധീരന്‍ പറഞ്ഞു. സി പി എം-ബി ജെ പി പാര്‍ട്ടികള്‍ തെരഞ്ഞെടുപ്പ് കഴിഞ്ഞ് ഇന്നു വരെ 142 ആക്രമണങ്ങള്‍ നടത്തിയെന്നും കേരളത്തിന്റെ സമാധാനാന്തരീക്ഷം കളഞ്ഞു കുളിക്കരുതെന്നും സുധീരന്‍ ആവശ്യപ്പെട്ടു.
