കഴിഞ്ഞ ക്രിസ്തുമസ് മുതലാണ് മുരുകന്‍ മണിക്കൊപ്പം ചേര്‍ന്നത്. മണിയെ കാണാനെത്തിയ മുരുകന്‍ പാഡിയിലെ സഹായിയായി കൂടുകയായിരുന്നു. മണിയെ ആശുപത്രിയില്‍ ആക്കിയ ശേഷം തിരികെ വന്ന് മുരുകന്റെ നേതൃത്വത്തില്‍ പാഡി വൃത്തിയാക്കിയത് മരണത്തിലെ ദുരൂഹത വര്‍ദിപ്പിക്കുന്നതായി പൊലീസ് പറഞ്ഞു. രണ്ട് ചാക്കുകളിലായി പാഡിയില്‍ നിന്നും കൊണ്ടുപോയതായും പരിസരവാസികൾ പറഞ്ഞിരുന്നു. ചാക്കുകളിൽ എന്തൊക്കെ ഉണ്ടായിരുന്നു എന്നതും ഇതെവിടേക്കു കൊണ്ടുപോയി എന്നതും പൊലീസ് അന്വേഷിക്കുന്നുണ്ട്.
അതേസമയം, കലാഭവൻ മണിയുടെ ഔട്ട് ഹൗസായ പാഡിയിൽ ചാരായം എത്തിച്ചയാളെ പൊലീസ് തിരിച്ചറിഞ്ഞു. ചാലക്കുടി സ്വദേശിയായ ജോമോനാണ് ഇവിടെ ചാരായം എത്തിച്ചത്. വിദേശത്തേക്ക് പോകുന്നതിന് മുന്‍പ് ഫെബ്രുവരി 15നാണ് ഇയാള്‍ ചാരായം എത്തിച്ചു കൊടുത്തത്. വിദേശത്തുള്ള ജോമോനെ തിരിച്ചുകൊണ്ടുവരാനുള്ള ശ്രമം പോലീസ് ആരംഭിച്ചിട്ടുണ്ട്.
