ലാപ്‌ടോപ്പ് കമ്പ്യൂട്ടറുകളും ചാർജ് ചെയ്യാൻ കരുത്തുള്ള പുത്തൻ പവർബാങ്കിനെ വിപണിയിൽ അവതരിപ്പിച്ചിരിക്കുകയാണ് ചൈനീസ് സ്മാർട്ട്ഫോൺ, ഇലക്ട്രോണിക് നിർമ്മാതാക്കളായ ഷവോമി. പവർബാങ്ക് 3 പ്രോയെയാണ് ഷവോമി വിപണിയിൽ എത്തിച്ചിരിക്കുന്നത്.
20,000 എം എ എച്ചാണ് പവർബാങ്ക് 3 പ്രോയുടെ ബാറ്ററി ബാക്കപ്പ്. അതിവേഗ ചാർജിംഗ് സാധ്യമാക്കുന്ന രീതിയിലാണ് പവർബാങ്ക് 3 പ്രോയെ ഷവോമി രൂപകൽപ്പന ചെയ്തിരിക്കുന്നത്. ചാർജിംഗിനായി യു എസ് ബി ടൈപ് സി പൊർട്ടും, സാധാരണ ടൈപ്പ് എ പോർട്ടും പവർബാങ്കിൽ പ്രത്യേകം സജ്ജീകരിച്ചിട്ടുണ്ട്. 45W മോഡിൽ നാലര മണിക്കൂറുകൾകൊണ്ട് പവർബാങ്ക് ചാർജ് ചെയ്യാനാകും എന്നാണ് ഷവോമി അവകാശപ്പെടുന്നത്.
