ഓൺലൈൻ ചൂതാട്ടങ്ങളെ പ്രോത്സാഹിപ്പിക്കുന്ന ആപ്പുകളെ പറ്റിയുള്ള ഗൂഗിൾ ഇന്ത്യയുടെ ബ്ലോഗിൽ പേ ടിഎമ്മിനെ പരോക്ഷമായി വിമർശിച്ചുകൊണ്ട് ലേഖനം വന്നിരുന്നു. അനധികൃത ഓൺലൈൻ ചൊതാട്ടങ്ങൾ അനുവദിക്കില്ലെന്നും പെയ്‌ഡ് ടൂർണമെന്റുകളിൽ പങ്കെടുക്കാൻ അനുവദിക്കുന്ന വൈബ്‌സൈറ്റുകൾക്ക് വഴിയൊരുക്കുന്ന ആപ്പുകളും കമ്പനിയുടെ നയങ്ങൾക്ക് എതിരാണെന്നും ഗൂഗിളിന്റെ പ്രസ്‌താവനയിൽ പറയുന്നു. നിലവിൽ വിഷയത്തിൽ പേടിഎമ്മിന്റെ വിശദീകരണം തേടിയിരിക്കുകയാണ് ഗൂഗിൾ. കമ്പനിയുടെ പോളിസി അനുസരിക്കാൻ തയ്യാറായാൽ പേടിഎമ്മിനെ പ്ലേ സ്റ്റോറിൽ വീണ്ടും ഉൾപ്പെടുത്തുമെന്നും ഗൂഗിൾ പറഞ്ഞു.
