നിത്യേനെ ഒരു നേരമെങ്കിലും ഗൂഗിള്‍ എന്ന പദം കാണത്തവരുണ്ടൊ ഈ ടെക് ലോകത്ത് എന്നു ചോദിച്ചാല്‍ ഒരു പക്ഷെ വിരലിലെണ്ണവുന്നവരൊഴിച്ചാല്‍ കൂടുതലും ഗൂഗിളിനെ സ്വന്തം അവയവം ആയി കാണുന്നവരാണ്.
നില്‍ക്കാനൊരിടം നല്‍കു ഞാനീ ലോകത്ത തന്നെ മാറ്റിത്തരാം എന്നു പറഞ്ഞ് വിഖ്യാത ശാസ്ത്രഞ്ജന്‍ ആര്‍ക്കിമിഡീസ് ലോകത്തെ മാറ്റിമറിച്ചെങ്കില്‍ ഭൌതികമായി ഈ ലോകത്ത് തന്നെ ഇല്ലത്ത ഗൂഗിള്‍ ഇന്ന് ലോകത്തെ മാറ്റി മറിച്ചു കൊണ്ടിരിക്കുന്നു.
ലോകത്ത് ഏഴ് അത്ഭുതങ്ങളുണ്ടെന്നാണ് വയ്പ്പ്. എന്നാല്‍ ഗൂഗില്‍ ലോകത്തിന്‍ നല്‍കുന്നത് അനന്തകോടി അത്ഭുതങ്ങള്‍, അറിവുകള്‍, മാറ്റങ്ങള്‍... എന്തിനേറെ പറയുന്നു ഇനി ലോകം ഗൂഗിള്‍ എന്ന ആറ് ഇംഗ്ലീഷ് വാക്കിനുള്ളില്‍ കിടന്ന് തിരിയാന്‍ പോകുന്നു..
എന്തിനാണ് ഇത്രയേറെ പുകഴ്ത്താനായി ഗൂഗിളിലുള്‍ലതെന്ന് ചോദിച്ചേക്കാം. ലോകത്തെ മാറ്റിമറിക്കനായി 7 വമ്പന്‍ പദ്ധതികളാണ് ഗൂഗിള്‍ നടപ്പാക്കിക്കൊണ്ടിരിക്കുന്നത്. ലോകത്തെ കണ്മുന്നിലെത്തിക്കുന്ന ഗൂഗിള്‍ ഗ്ലാസ്, ഡ്രൈവര്‍ വേണ്ടാത്ത കാര്‍ തുടങ്ങിയ് പദ്ധതികള്‍ ഇപ്പൊള്‍ തന്നെ മാറ്റത്തിന്റെ കാറ്റുമായി എത്തിയിട്ടുണ്ട്.
2012 മുതല്‍ പറഞ്ഞുകേള്‍ക്കുന്ന ഒരു പ്രൊജക്ടാണ് ഡ്രൈവറില്ലാത്ത കാര്‍. ഡ്രൈവറില്ലാതെ ഓടുന്ന കാറുകള്‍ ഗൂഗിള്‍ തിരിക്കേറിയ നഗരങ്ങളിലുമിറക്കിയിട്ടുണ്ട്. ഈ പരീക്ഷണം വിജയകരമാണെന്നാണ് ഗൂഗിള്‍ പറയുന്നത്. 2016ഒടെ പൊതുജനത്തില്‍ ഈ പരീക്ഷണം എത്തുമെന്നാണ് സൂചന.
തിരക്കേറിയ നഗരനിരത്തുകളില്‍ കാല്‍നട യാത്രക്കാരെയും മറ്റും തിരിച്ചറിയുകയെന്ന വല്ലുവിളി ഏറ്റെടുക്കാന്‍ പോന്ന നിലയിലേക്ക് കാറുകളില്‍ ഉപയോഗിക്കുന്ന സോഫ്റ്റ്‌വെയര്‍ അപ്‌ഡേറ്റ് ചെയ്തുകഴിഞ്ഞതായും ഗൂഗിള്‍ അവകാശപ്പെടുന്നു.
ഗൂഗിള്‍ സിഇഒ ലാറിപേജിന്റെ ആശയമാണ് പറക്കും സൈക്കിള്‍ എന്നത്. ET എന്ന പ്രശസ്തമായ സിനിമയില്‍ നിന്ന് ലാറിയുടെ തലയില്‍ കൂടിയ ഈ റ്റെക്നോളജി ഭ്രാന്തിനെ പ്രാവര്‍ത്തികമാക്കാനാണ് ഗൂഗിളിന്റെ തീരുമാനം. യാഥാര്‍ഥ്യമായാല്‍ വിമാന യാത്രകള്‍ പഴങ്കഥകളാകന്‍ അധികം താമസമുണ്ടാകില്ല.
ദിനവു രാവിലെ ഷുഗര്‍ പരിശോധന നടത്തുന്ന നിരവധി ആളികള്‍ നമ്മുടെ നാട്ടിലുണ്ട്. പലരും പരിശൊധനയ്ക്കായി രക്തമെടുക്കാന്‍ സൂചി കുത്തുമ്പോള്‍ ഞെളിപിരി കൊള്ളാറുണ്ട്. ഇനി അതെല്ലാം മറന്നേക്കു. ഒരൊറ്റ കോണ്‍ടാക്റ്റ് ലെന്‍സ് മതി, അതു ഉപയോഗിച്ച് നിങ്ങളുടെ രക്തത്തിലെ ഗ്ലുക്കോസ് നില അപ്പോള്‍ തന്നെ അറിയാം.
ബ്ലോഗ് പോസ്റ്റിലൂടെയാണ് ഗൂഗിള്‍ വെളിപ്പെടുത്തിയ ഈ കൊണ്ടാക്ട് ലെന്‍സ് ഇതിന്റെ പരീക്ഷണഘട്ടത്തിലാണ് ആദ്യഘട്ടത്തില്‍ പരീക്ഷണങ്ങള്‍ വിജയകരമാണ്. നിഡിലിന്റെ വേദനയില്ലാതെ നമ്മുക്ക് രക്ത പരിശോധന സാധ്യമാകും, ഗൂഗിള്‍ പറയുന്നു.
ലോകം എങ്ങും ഇന്റര്‍നെറ്റ് ലഭ്യമാക്കുക എന്നതാണ് ഗൂഗിളിന്റെ എക്കാലത്തേയു സ്വപ്നമാണ് ഇതിനായി ' ഇന്റര്‍നെറ്റ് സംവിധാനം ലഭ്യമാക്കുന്ന ജെല്ലിഫിഷിനോട് സദൃശ്യമുള്ള ബലൂണുകള്‍ ആകാശത്തേക്ക് വിക്ഷേപിച്ചാണ് ലോകം മുഴുവന്‍ ഓണ്‍ലൈനാക്കാനുള്ള ഗൂഗിള്‍ ശ്രമം നടത്തുന്നത്. 18 മാസത്തെ പരീക്ഷണപ്രവര്‍ത്തനങ്ങള്‍ക്കൊടുവിലാണ് ഈ ബലൂണുകള്‍ ഗൂഗിള്‍ നിര്‍മ്മിച്ചിരിക്കുന്നത്.
എന്നാല്‍ ഇതിനു ബദലായി ഫേസ്ബൂക്ക് സൊളാര്‍ വിമാനങ്ങള്‍ വഴി ലോകത്തെ ഓണ്‍ലൈനിലാക്കാന്‍ ശ്രമം നടത്തുന്നതായി വാര്‍ത്തകള്‍ വന്നിരുന്നു. ഇക്കാര്യത്തില്‍ ആരുടെ പദ്ധതിയാകും പ്രായോഗികമെന്ന് കാത്തിരുന്നു കാണാം.
ഒരു ഫോണ്‍ അതിന്റെ സ്‌ക്രീനും, ക്യാമറയും, ഇയര്‍ഫോണും ഒക്കെ വിവിധ ഭാഗങ്ങള്‍ അത് നമുക്ക് ആവശ്യമുള്ളപ്പോള്‍ കൂട്ടിയോജിപ്പിക്കാം. തനിച്ചാകുമ്പോള്‍ അവ അവയുടെ പണിയും എടുക്കും. മോഡുലാര്‍ ഫോണ്‍ എന്ന ഈ ആശയം ഗൂഗിള്‍ ഏതാണ്ട് പൂര്‍ത്തിയാക്കിയെന്നാണ് പുതിയ വിവരങ്ങള്‍.പ്രോജക്ട് എറാ എന്നാണ് ഈ ഫോണിന്റെ പദ്ധതിക്ക് ഗൂഗിള്‍ നല്‍കിയിരുന്ന പേര്.
ഗൂഗിള്‍ ഗ്ലാസിനെ പറ്റി അധികം പറയേണ്ടി വരില്ല. കാരണം അതിപ്പൊള്‍ യാഥാര്‍ഥ്യമായിക്കഴിഞ്ഞിരിക്കുന്നു.
ശരീരത്തില്‍ ധരിക്കാവുന്ന ഗൂഗിളിന്റെ ആദ്യഗാഡ്ജറ്റാണ് ഗൂഗിള്‍ ഗ്ലാസ്. സ്മാര്‍ട്ട് ഫോണുകളോട് സാമ്യതയുള്ളതും സാധാരണ ഭാഷയിലുള്ള നിര്‍ദ്ദേശങ്ങളിലൂടെ ഇന്റര്‍നെറ്റുമായി ബന്ധപ്പെടാന്‍ കഴിയുന്ന ഉപകരണം.
ഇങ്ങനെ പൊകുന്നു ഗൂഗിലിന്റെ ആശയങ്ങള്‍. കണ്ടത് ഏറെ കാണാത്തത് അതിലേറെ എന്നുവേണം ഗൂഗിളിനെ വിശേഷിപ്പിക്കാന്‍. എന്നാല്‍ ഇവരുടെ പല പദ്ധതികളും ഉദാഹരണത്തിന്‍ ഗൂഗിള്‍ ഗ്ലാസടക്കം സ്വകാര്യതയിലേക്കുള്ള കടന്നുകയറ്റമാണെന്ന് ആരൊപണങ്ങളും നിലവിലുണ്ട്.
