മത്സരത്തിൽ അവസാന ഓവറിൽ തകർത്തടിച്ച 36 റൺസ് ഉൾപ്പടെ 28 പന്തില്‍ പുറത്താവാതെ 62 റണ്‍സെടുത്ത ജഡ്ഡു, മൂന്ന് നിര്‍ണായക വിക്കറ്റെടുക്കുകയും ഒരു റണ്ണൗട്ടില്‍ നേരിട്ട് പങ്കാളിയാവുകയും ചെയ്‌തിരുന്നു. മികച്ച ഫോമിലുള്ള എബി ഡിവില്ലിയേഴ്‌സ് (4), ഗ്ലെന്‍ മാക്‌സ്‌വെല്‍ (22) എന്നിവരെ ബൗള്‍ഡാക്കിയതും ജഡ്ഡു തന്നെയായിരുന്നു.
മത്സരത്തിലെ വിജയത്തോടെ ചെന്നൈ പോയിന്റ് പട്ടികയിൽ ഒന്നാമതെത്തി. അതേസമയം മത്സരശേഷം സംസാരിച്ച ബാംഗ്ലൂർ നായകൻജഡേജയെ വാനോളം പുകഴ്ത്തി. ജഡേജ തങ്ങളെ തീർത്തും ഇല്ലാതക്കികളഞ്ഞുവെന്ന് കോലി പറഞ്ഞു. അവന്റെ ഈ പ്രകടനം കാണുമ്പോള്‍ വളരെയധികം സന്തോഷം. രണ്ട് മാസങ്ങള്‍ക്ക് ശേഷം ഞങ്ങള്‍ ഇന്ത്യക്ക് വേണ്ടി ഒരുമിക്കും. ടീമിലെ പ്രധാന ഓള്‍റൗണ്ടര് ബാറ്റുകൊണ്ട് മികച്ച പ്രകടനം പുറത്തെടുക്കുന്നത് സന്തോഷമുള്ള കാഴ്ച്ചയാണ്. കോലി പറഞ്ഞു.
