വ്യക്തിപരമായ കാരണങ്ങളാൽ ഈ സീസണിലെ ഐപിഎൽ മത്സരങ്ങളിൽ നിന്നും വിട്ടു‌നിൽക്കുന്ന സുരേഷ്‌ റെയ്‌നയെ ചെന്നൈ സൂപ്പർ കിംഗ്‌സ് വാട്സാപ്പ് ഗ്രൂപ്പിൽ നിന്നും പുറത്താക്കിയതായി വെളിപ്പെടുത്തൽ. ചെന്നൈ സൂപ്പർ കിങ്സുമായി ബന്ധപ്പെട്ട കേന്ദ്രങ്ങളെ ഉദ്ധരിച്ച് ‘ഇൻസൈഡ് സ്പോർടാ’ണ് ഈ വിവരം റിപ്പോർട്ട് ചെയ്‌തിരിക്കുന്നത്. നാട്ടിൽ ക്വാറന്റൈനിൽ കഴിയുന്ന റെയ്ന ടീമിനൊപ്പം ചേരാൻ താത്‌പര്യം പ്രകടിപ്പിച്ചിട്ടുണ്ടെങ്കിലും ടീം മാനേജ്‌മെന്റ് വഴങ്ങിയിട്ടില്ലെന്നാണ് റിപ്പോർട്ടുകൾ.
