ഐപിഎല്‍ ടി 20 യില്‍ ഒരു ഇന്നിങ്‌സ് 90 മിനിറ്റില്‍ താഴെ സമയമെടുത്ത് പൂര്‍ത്തിയാക്കിയ ആദ്യ നായകനാണ് ധോണി. പഞ്ചാബിനെതിരായ മത്സരത്തിലാണ് ഈ അപൂര്‍വ നേട്ടം ധോണി സ്വന്തമാക്കിയത്. ആദ്യം ബാറ്റ് ചെയ്ത പഞ്ചാബ് കിങ്‌സ് നിശ്ചിത 20 ഓവറില്‍ എട്ട് വിക്കറ്റ് നഷ്ടത്തില്‍ 106 റണ്‍സ് മാത്രമാണ് നേടിയത്. ഈ 20 ഓവര്‍ എറിഞ്ഞുതീര്‍ക്കാന്‍ ചെന്നൈ ടീം ആകെ എടുത്തത് 88 മിനിറ്റ് മാത്രമാണ്. ഇത്ര വേഗത്തില്‍ 20 ഓവര്‍ എറിഞ്ഞുതീര്‍ക്കുന്ന ആദ്യ നായകനാണ് ധോണി.
വേറൊരു നേട്ടം കൂടി ധോണി ഇന്നലെ സ്വന്തമാക്കി. ചെന്നൈ സൂപ്പര്‍ കിങ്‌സിന് വേണ്ടി 200-ാം മത്സരമാണ് ധോണി ഇന്നലെ കളിച്ചത്. 176 ഐപിഎല്‍ മത്സരങ്ങളും ചാംപ്യന്‍സ് ലീഗ് ടി 20 യില്‍ 24 മത്സരങ്ങളും ധോണി കളിച്ചിട്ടുണ്ട്. മൂന്ന് തവണ ചെന്നൈ സൂപ്പര്‍ കിങ്‌സിനെ കിരീട നേട്ടത്തിലെത്തിച്ച നായകനാണ് ധോണി. 40.63 ശരാശരിയില്‍ 4,632 റണ്‍സാണ് ഐപിഎല്ലില്‍ ധോണി ഇതുവരെ നേടിയിരിക്കുന്നത്. ഇതില്‍ 4,058 റണ്‍സും ചെന്നൈ സൂപ്പര്‍ കിങ്‌സിന് വേണ്ടിയാണ്.
