ചെന്നൈ സൂപ്പര്‍ കിങ്‌സും പഞ്ചാബ് കിങ്‌സും തമ്മിലുള്ള മത്സരശേഷം ഐപിഎല്‍ വേദി പ്രണയ സാക്ഷാത്കാരത്തിനു വേദിയായി. ചെന്നൈ താരം ദീപക് ചഹര്‍ തന്റെ ഗേള്‍ഫ്രണ്ടിനോട് പ്രണയാഭ്യര്‍ത്ഥന നടത്തിയപ്പോള്‍ ചുറ്റിലുമുള്ളവര്‍ ആ സന്തോഷത്തില്‍ പങ്കുചേര്‍ന്നു. മത്സരശേഷം ഗാലറിയിലെത്തിയ ദീപക് തന്റെ കൂട്ടുകാരിയോട് മുട്ടുകുത്തിയിരുന്ന് പ്രണയാഭ്യര്‍ത്ഥന നടത്തുകയായിരുന്നു. ഇത്രനാള്‍ രഹസ്യമാക്കി വച്ച ആ പ്രണയിനിയെ ചഹര്‍ ആരാധകര്‍ക്ക് പരിചയപ്പെടുത്തി കൊടുക്കുകയായിരുന്നു. ഇരുവരും പരസ്പരം മോതിരമണിയിച്ച ശേഷം ആലിംഗനം ചെയ്തു.
