Rishab Pant, Delhi Capitals
ഐപിഎല്ലില്‍ സണ്‍റൈസേഴ്‌സ് ഹൈദരാബാദിനെതിരെ കൂറ്റന്‍ തോല്‍വിയാണ് ഡല്‍ഹി ക്യാപ്പിറ്റല്‍സ് ഇന്നലെ വഴങ്ങിയത്. മത്സരത്തില്‍ വിജയിക്കാന്‍ വരെ സാധ്യതയുണ്ടായിരുന്ന ഘട്ടത്തില്‍ നായകന്‍ റിഷഭ് പന്തിന്റെയും യുവതാരം ട്രിസ്റ്റ്യന്‍ സ്റ്റമ്പ്‌സിന്റെയും മെല്ലെപ്പോക്കാണ് ഡല്‍ഹിയെ പിന്നോട്ടടിച്ചത്. ടീമിനെ തോല്‍വിയിലേക്ക് തള്ളിയിടുന്ന പ്രകടനമാണ് ഡല്‍ഹി നായകനായ റിഷഭ് പന്തില്‍ നിന്നും ഉണ്ടായതെങ്കിലും താരത്തെ ചേര്‍ത്തുനിര്‍ത്തുകയാണ് ഇന്ത്യയുടെ ഇതിഹാസതാരമായ സുനില്‍ ഗവാസ്‌കര്‍.
