Sanju Samson: ക്യാപ്റ്റനെന്ന നിലയില്‍ സഞ്ജു സാംസണ്‍ വളരെ മികവ് തെളിയിച്ചു കഴിഞ്ഞെന്ന് ആരാധകര്‍. ഈ സീസണില്‍ രാജസ്ഥാന്‍ റോയല്‍സിനെ തുടര്‍ച്ചയായി മൂന്നാം ജയത്തിലേക്ക് നയിച്ചിരിക്കുകയാണ് സഞ്ജു. ടീമിലെ ഓരോ താരങ്ങളെ കുറിച്ചും കൃത്യമായ വിലയിരുത്തല്‍ സഞ്ജുവിന് ഉണ്ടെന്നും ഓരോരുത്തരേയും എവിടെ ഉപയോഗിക്കണമെന്ന് അറിയാമെന്നും ആരാധകര്‍ പറയുന്നു. ഇന്ത്യന്‍ സീനിയര്‍ ടീമിന്റെ നായകനാകാനുള്ള മികവ് സഞ്ജുവിനുണ്ടെന്നും ഐപിഎല്ലിലെ പ്രകടനം വിലയിരുത്തി ക്രിക്കറ്റ് ആരാധകര്‍ ഒന്നടങ്കം അഭിപ്രായപ്പെടുന്നു.
