Rohit sharma,Mumbai indians
ഐപിഎല്ലിലെ ഒറ്റക്കളിയില്‍ നിന്ന് നാല് റെക്കോര്‍ഡുകള്‍ സ്വന്തമാക്കി മുംബൈ ഇന്ത്യന്‍സ് ഓപ്പണര്‍ രോഹിത് ശര്‍മ. ഡല്‍ഹിക്കെതിരായ മത്സരത്തിനിറങ്ങുമ്പോള്‍ തന്നെ ടി20 യില്‍ 250 മത്സരങ്ങള്‍ കളിക്കുന്ന ആദ്യ ഇന്ത്യന്‍ താരമെന്ന റെക്കോര്‍ഡ് രോഹിത് സ്വന്തമാക്കി. ഐപിഎല്ലില്‍ 100 ക്യാച്ചുകള്‍ നേടുന്ന നാലാമത്തെ താരമെന്ന റെക്കോര്‍ഡും മത്സരത്തില്‍ രോഹിത് സ്വന്തമാക്കി. 103 ക്യാച്ചുള്ള കറന്‍ പൊള്ളാര്‍ഡ്, 109 ക്യാച്ചുള്ള സുരേഷ് റെയ്‌ന, 110 ക്യാച്ചുകളുള്ള വിരാട് കോലി എന്നിവരാണ് രോഹിത്തിന് മുന്നിലുള്ളത്.
