അര്‍ധ സെഞ്ചുറി നേടിയ ആര്‍സിബി നായകന്‍ രജത് പാട്ടീദര്‍ ആണ് കളിയിലെ താരം. 32 പന്തില്‍ നാല് ഫോറും മൂന്ന് സിക്‌സും സഹിതം 51 റണ്‍സാണ് പാട്ടീദര്‍ നേടിയത്. ഫില്‍ സാള്‍ട്ട് (16 പന്തില്‍ 32), വിരാട് കോലി (30 പന്തില്‍ 31), ദേവ്ദത്ത് പടിക്കല്‍ (14 പന്തില്‍ 27), ടിം ഡേവിഡ് (എട്ട് പന്തില്‍ പുറത്താകാതെ 22) എന്നിവരും തിളങ്ങി.
രചിന്‍ രവീന്ദ്ര (31 പന്തില്‍ 41) മാത്രമാണ് ചെന്നൈ ബാറ്റിങ് നിരയില്‍ തിളങ്ങിയത്. മഹേന്ദ്രസിങ് ധോണി (16 പന്തില്‍ പുറത്താകാതെ 30), രവീന്ദ്ര ജഡേജ (19 പന്തില്‍ 25) എന്നിവരും പൊരുതി നോക്കി. ആര്‍സിബിക്കായി ജോഷ് ഹെസല്‍വുഡ് നാല് ഓവറില്‍ 21 റണ്‍സ് മാത്രം വഴങ്ങി മൂന്ന് വിക്കറ്റുകള്‍ വീഴ്ത്തി. യാഷ് ദയാലിനും ലിയാം ലിവിങ്‌സ്റ്റണിനും രണ്ട് വീതം വിക്കറ്റുകള്‍.
