ഹൈദരബാദിനെതിരെ ജയിച്ചിരുന്നെങ്കില്‍ ലഖ്‌നൗവിനു പ്ലേ ഓഫ് സാധ്യതകള്‍ നിലനിര്‍ത്താമായിരുന്നു. ഹൈദരബാദ് നേരത്തെ പുറത്തായതാണ്. മൂന്ന് ടീമുകളാണ് ഇതുവരെ പ്ലേ ഓഫ് ഉറപ്പിച്ചത്. 18 പോയിന്റുള്ള ഗുജറാത്ത് ഒന്നാം സ്ഥാനത്തും 17 പോയിന്റ് വീതമുള്ള റോയല്‍ ചലഞ്ചേഴ്‌സ് ബെംഗളൂരു, പഞ്ചാബ് കിങ്‌സ് എന്നിവര്‍ യഥാക്രമം രണ്ടും മൂന്നും സ്ഥാനത്തും.
ഈ മൂന്ന് ടീമുകള്‍ക്ക് പുറമേ പ്ലേ ഓഫില്‍ കയറാന്‍ ഇനി സാധ്യതയുള്ളത് മുംബൈ ഇന്ത്യന്‍സിനും ഡല്‍ഹി ക്യാപിറ്റല്‍സിനുമാണ്. 12 കളികളില്‍ നിന്ന് 14 പോയിന്റോടെ മുംബൈ നാലാമതും 12 കളികളില്‍ നിന്ന് 13 പോയിന്റോടെ ഡല്‍ഹി അഞ്ചാമതും നില്‍ക്കുന്നു. നാളെ (മേയ് 21) നടക്കാനിരിക്കുന്ന മുംബൈ - ഡല്‍ഹി മത്സരം പ്ലേ ഓഫില്‍ എത്തുന്ന നാലാമത്തെ ടീമിനെ നിര്‍ണയിക്കുന്നതില്‍ സ്വാധീനം ചെലുത്തും.
