Virat kohli,Gill,Jos butler
ലോകത്തിലെ തന്നെ ഏറ്റവും മികച്ച ടി20 ലീഗായാണ് ഐപിഎല്ലിനെ വിശേഷിപ്പിക്കുന്നത്. പണക്കൊഴുപ്പ് കൊണ്ട് മാത്രമല്ല ആവേശകരമായ മത്സരങ്ങള്‍ കൂടി ഉള്ളതിനാലാണ് ഐപിഎല്ലിന് ലോകമെങ്ങും ആരാധകരുള്ളത്. 16 സീസണുകള്‍ ഇതുവരെ പിന്നിടുമ്പോള്‍ ഒരു ഐപിഎല്‍ സീസണില്‍ ഏറ്റവും കൂടുതല്‍ റണ്‍സെന്ന നേട്ടം ഇന്ത്യന്‍ സൂപ്പര്‍ താരം വിരാട് കോലിയുടെ പേരിലാണ്. 2016ലെ ഐപിഎല്‍ സീസണില്‍ 973 റണ്‍സാണ് കോലി അടിച്ചെടുത്തത്. 4 സെഞ്ചുറികളും 7 അര്‍ധസെഞ്ചുറികളും സഹിതമായിരുന്നു കോലിയുടെ ഈ നേട്ടം. ഐപിഎല്ലില്‍ പല താരങ്ങളും സീസണില്‍ ഏറ്റവും കൂടുതല്‍ റണ്‍സ് നേടുന്ന ബാറ്റര്‍ക്കുള്ള ഓറഞ്ച് ക്യാപ്പ് സ്വന്തമാക്കിയിട്ടുണ്ടെങ്കിലും രാജസ്ഥാന്‍ റോയല്‍സിന്റെ ജോസ് ബട്ട്‌ലര്‍ക്കും ഗുജറാത്ത് ടൈറ്റന്‍സിന്റെ ശുഭ്മാന്‍ ഗില്ലിനും മാത്രമാണ് 900 റണ്‍സിന് അടുത്തെങ്കിലും ഒരു സീസണില്‍ എത്താന്‍ സാധിച്ചിട്ടുള്ളത്.
