ഐപിഎല്‍ 2024ലെ ഹൈദരാബാദ് കൊല്‍ക്കത്ത പോരാട്ടത്തില്‍ കൊല്‍ക്കത്തയുടെ ഹീറോയായത് ഹര്‍ഷിത് റാണ എന്ന യുവപേസറായിരുന്നു. മുഴുവന്‍ ഫ്‌ളോയില്‍ തകര്‍ത്താടുന്ന ഹെന്റിച്ച് ക്ലാസന്‍ ഒരറ്റത്തുണ്ടായിട്ടും മറികടക്കാവുന്ന വിജയലക്ഷ്യത്തിലെത്താതെ ഹൈദരാബാദിനെ തടഞ്ഞുനിര്‍ത്തിയത് ഹര്‍ഷിത് റാണയുടെ അവസാന ഓവറായിരുന്നു. ആദ്യ പന്തില്‍ സിക്‌സ് വഴങ്ങിയതിന് ശേഷമായിരുന്നു ഹര്‍ഷിത് റാണ തിരിച്ചുവന്നത്. ഹെന്റിച്ച് ക്ലാസന്‍,ഷഹബാസ് അഹമ്മദ് എന്നിവരുടെ വിക്കറ്റുകളും താരം സ്വന്തമാക്കി.
