ദുബായിലെ വെള്ളം കയറിയ നഗരങ്ങളില്‍ പൊലീസും അടിയന്തര വിഭാഗവും രക്ഷാപ്രവര്‍ത്തനം തുടരുകയാണ്. ചൊവ്വാഴ്ച രാത്രി ദുബായില്‍ ശക്തമായ ഇടിമിന്നലും അനുഭവപ്പെട്ടു. മെട്രോ ഗതാഗതം താറുമാറായി. ഓണ്‍പാസീവ് മെട്രോ സ്റ്റേഷന്‍, മാള്‍ ഓഫ് എമിറേറ്റ്‌സ് എന്നിവിടങ്ങളില്‍ വെള്ളം കയറിയ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. യുഎഇയില്‍ സ്‌കൂളുകള്‍ അടച്ചു. ടാങ്കര്‍ ട്രക്കുകളുടെ സഹായത്തോടെയാണ് വീടുകളിലെ കയറിയ വെള്ളം പുറത്തേക്ക് ഒഴുക്കുന്നത്. ബഹ്‌റിന്‍, ഖത്തര്‍, സൗദി അറേബ്യ എന്നിവിടങ്ങളിലും ശക്തമായ മഴ ലഭിച്ചു.
