യു.എ.ഇ എന്ന കൊച്ചു രാജ്യത്തിന്റെ ലോകത്തെ അമ്പരപ്പിച്ചു കൊണ്ടുള്ള വളര്‍ച്ചയുടെ കഥയാണ് ഒരോ ദേശീയ ദിനങ്ങൾക്കും പറയാനുള്ളത്. ഗൾഫ് മേഖലകളുടെ ചരിത്രം തന്നെ മാറ്റിയെഴുതിയായിരുന്നു യു എ ഇ രൂപീകരിക്കാനുള്ള തീരുമാനം. ഈ രാജ്യത്തിന്റെ വളർച്ചയുടെ കഥ പറയുമ്പോൾ ചരിത്രത്തിൽ രേഖപ്പെടുത്തിയ ലക്ഷക്കണക്കിനു മലയാളികളുടെ കഥ കൂടിയാണത്.
സ്വന്തമായി കറൻസി പോലുമില്ലാതിരുന്ന ഏഴ് എമിറേറ്റുകൾ ഒന്ന് ചേർന്ന ശേഷം നടന്നത് ചരിത്രം. ശക്തമായ ഒരു വികസന പ്രവർത്തനങ്ങളും സമ്പദ് വ്യവസ്ഥയും രൂപം കൊള്ളുന്നതിൽ ഇത് വിജയം കണ്ടു. സ്വദേശികളും വിദേശികളും ഒരേപോലെ ആഘോഷിക്കുന്ന സന്തോഷത്തിന്റെയും സമാധാനത്തിന്റെയും ദിനമാണിന്ന്. നിരവധി പരിപാടികളാണ് ഈ ദിനത്തോടനുബന്ധിച്ച് നടത്തപ്പെടുന്നത്.
