അബുദാബി: വ്യവസായി എം.എ.യൂസഫലിയുടെ നിര്ണ്ണായക ഇടപെടല് മൂലം ജയില് മോചിതനായ തൃശ്ശൂര് നടവരമ്പ് സ്വദേശി ബെക്സ് കൃഷ്ണന് ഇന്ന് നാട്ടിലേക്ക് തിരിക്കും. ഇന്ന് രാത്രി 8.20 ന് അബുദാബിയില് നിന്നും പുറപ്പെട്ട് ബുധനാഴ്ച പുലര്ച്ചെ 1.45 ന് കൊച്ചിയിലെത്തുന്ന ഇത്തിഹാദ് വിമാനത്തിലാണ് ബെക്സ് സ്വന്തം നാട്ടിലേക്ക് വീണ്ടും മടങ്ങുന്നത്. കുടുംബാംഗങ്ങളുടെ വര്ഷങ്ങള് നീണ്ട കാത്തിരിപ്പിനാണ് ഇതോടെ അവസാനമാകുന്നത്.
