ഒബാമ ഇന്ന് ഇന്ത്യയില്‍ നിന്നു മടങ്ങും

മൂന്നുദിവസത്തെ സന്ദര്‍ശനത്തിനായി ഇന്ത്യയിലെത്തിയ അമേരിക്കന്‍ പ്രസിഡന്റ് ബരാക് ഒബാമ ഇന്ന് ഇന്ത്യയില്‍ നിന്ന് മടങ്ങും. സൌദി അറേബ്യയിലേക്ക് ആണ് ഒബാമയും സംഘവും ഇന്ന് ഉച്ചയ്ക്ക് ആണ് ഒബാമ മടങ്ങുന്നത്. സൌദി രാജാവ് ആയിരുന്ന അബ്‌ദുള്ള രാജാവിന്റെ മരണത്തില്‍ അനുശോചനം അറിയിക്കും. അതിനു ശേഷമായിരിക്കും അമേരിക്കയിലേക്ക് മടങ്ങുക.

അതിനു മുമ്പായി അമേരിക്കന്‍ എംബസി സംഘടിപ്പിച്ച ചടങ്ങില്‍ ഒബാമ പ്രസംഗിച്ചു. സിരിഫോര്‍ട്ട് ഓഡിറ്റോറിയത്തില്‍ ആയിരുന്നു ക്ഷണിക്കപ്പെട്ട സദസ്സിനു മുന്നില്‍ ഒബാമ സംസാരിച്ചത്. നൊബേല്‍ സമ്മാനജേതാവ് കൈലാഷ് സത്യാര്‍ത്ഥിയുമായി ഒബാമ കൂടിക്കാഴ്ച നടക്കും.

ഇന്ത്യന്‍ പ്രധാനമന്ത്രി നരേന്ദ്ര മോഡിയും ഒബാമയും പങ്കെടുക്കുന്ന മന്‍ കി ബാത് ഇന്ന് രാത്രി പ്രക്ഷേപണം ചെയ്യും.