ആകാശയാത്ര ആഗ്രഹിക്കുന്നവര്‍ക്ക് ഒരു സന്തോഷവാര്‍ത്ത. അത്തരം ആളുകള്‍ക്ക് ഇതാ ടിക്കറ്റ് ചാര്‍ജ് തവണകളായി അടയ്ക്കാനുള്ള അവസരമൊരുക്കുകയാണ് ഇത്തിഹാദ് എയര്‍വേയ്സ്. സൗദി അറേബ്യ, യു.എ.ഇ, ഈജിപ്ത് എന്നിവിടങ്ങളില്‍ നിന്നുള്ളവര്‍ക്കാണ് ഈ ആനുകൂല്യം ലഭ്യമാകുക. ഇത്തിഹാദ് എയര്‍വേയ്സിന്റെ ഔദ്യോഗിക വെബ്സൈറ്റ് വഴി ബുക്ക്‌ ചെയ്യുന്നവര്‍ക്ക മാത്രമേ ഈ സൗകര്യം ലഭിക്കുകയുള്ളൂ.
ഓണ്‍ലൈന്‍ പെയ്മെന്റ് സേവന ദാതാക്കളായ പേഫോര്‍ട്ടുമായി സഹകരിച്ചാണ് കമ്പനി ഈ സംവിധാനം നടപ്പിലാക്കുന്നത്. യാത്രക്കാരുടെ ബാങ്കുകള്‍ക്ക് അനുസരിച്ച് മൂന്ന് മാസം മുതല്‍ 60 മാസം വരെയുള്ള ഇ.എം.ഐ പ്ലാനുകളും ലഭ്യമാകും. ടിക്കറ്റ് ബുക്ക്‌ ചെയ്ത ശേഷം നിശ്ചിത കാലയളവിനുള്ളില്‍ പണം തുല്യ തവണകളായി അടയ്ക്കാനും കഴിയും. നിലവില്‍ 17 ബാങ്കുകളാണ് ഈ പദ്ധതിയുടെ ഭാഗമാകുന്നത്.
