ഈ നാടാണ് ഇവരെ പോറ്റി വളര്‍ത്തിയതെങ്കിലും അവര്‍ ഈ നാട്ടില്‍ അന്യരാണ്. ഭരണകൂടത്തിനും സമൂഹത്തിനും മുന്നില്‍ അവര്‍ വിദേശ ചാരന്‍‌മാര്‍ . അവരുടെ വേദനയും കണ്ണുനീരും ഒപ്പിയെടുത്ത കഥയാണ് പി.ടി. കുഞ്ഞിമുഹമ്മദ് ‘പരദേശികളി‘ല്‍ പറഞ്ഞത്. പി.ടി. കുഞ്ഞുമുഹമ്മദുമായി വെബ്ദുനിയ നടത്തിയ അഭിമുഖത്തില്‍ നിന്ന്.
1 പരദേശിക്ക് ലഭിച്ച പ്രതികരണങ്ങളില്‍ മനസ്സില്‍ തങ്ങി നില്‍കുന്നത്?
അത് മുഴുവന്‍ പറയണമെങ്കില്‍ ഒരു ദിവസം വേണ്ടി വരും(ചിരിക്കുന്നു). പലരും വിളിച്ചു പറഞ്ഞു;‘ഇത് എന്‍റെ ബാപ്പയുടെ കഥയാണ്’, ‘ഇങ്ങനെയാണ് ബാപ്പയെ ഓടിപ്പിച്ചത്’. കെ.എന്‍. പണിക്കര്‍, യു.കെ.കുമാരന്‍ അങ്ങനെ നിരവധി പേര്‍ അഭിനന്ദനം അറിയിച്ചു. പലരും പറഞ്ഞു;‘വളരെ നാളുകള്‍ക്ക് മലയാളത്തിന് ലഭിച്ച നല്ലൊരു രാഷ്‌ട്രീയ ചിത്രമാണിത്’.
2 സംവിധായകനായ കെ.ജി.ജോര്‍ജ് ഒരു ഫിലിം ഇന്‍സ്റ്റിറ്റൂട്ടില്‍ ക്ലാസ് എടുക്കുന്നതില്‍ന്‍റെ ഭാഗമായി ‘ബാറ്റില്‍ ഷിപ്പ് പൊട്ടം‌കിന്‍’ പ്രദര്‍ശിപ്പിച്ചപ്പോള്‍ ഒരു വിദ്യാര്‍ത്ഥിനി പറയുകയുണ്ടായി;‘ഇത് ഒരു രസവുമില്ലാത്ത പടമാണെന്ന്’. എന്നാല്‍, ഈ ചലച്ചിത്രമേളയില്‍ യുവാക്കളുടെയും യുവതികളുടെയും സജീവസാന്നിദ്ധ്യം കാണാം. ഇതിനെക്കുറിച്ച്?
ഒരു ചോദ്യം ഞാന്‍ അങ്ങോട്ട് ചോദിക്കുവാന്‍ ആഗ്രഹിക്കുന്നു.’ചലച്ചിത്രമേളയിലെ ഏതെങ്കിലും ഒരു സിനിമ വേറെ ഏതെങ്കിലും തീയേറ്ററില്‍ കൊണ്ടുപോയി പ്രദര്‍ശിപ്പിച്ചാല്‍ ഇതിലെ അഞ്ചു ശതമാനം ആളുകള്‍ പോലും കാണുവാന്‍ ഉണ്ടാകുമോ?.
3 ജാഡക്കു വേണ്ടിയാണ് കാണികള്‍ സിനിമ കാണുവാന്‍ വരുന്നതെന്ന് താങ്കള്‍ ഉദേശിക്കുന്നുണ്ടോ?
അങ്ങനെ ഞാന്‍ പറയില്ല. ഒരു ഉത്സവം നടക്കുമ്പോള്‍ അതില്‍ ഭാഗമാകാന്‍ ഒരു പാട് പേര്‍ ആഗ്രഹിക്കുന്നുണ്ടാകും.
4 യാതൊരു വികസനവും ഇല്ലാത്ത രാജ്യങ്ങളില്‍ നിന്നു പോലും മികച്ച സാങ്കേതിക നിലവാരമുള്ള സിനിമകള്‍ എത്തുന്നു. എന്നിട്ടും സാങ്കേതികതയുടെ കാര്യത്തില്‍ മലയാള സിനിമകള്‍ സാങ്കേതികതയുടെ കാര്യത്തില്‍ വളരെ പിറകിലാണ്`
നോക്കൂ, ഇന്ന് സിനിമാ നിര്‍മ്മാണം വളരെ ചിലവു കുറഞ്ഞ ഒന്നായി മാറി കൊണ്ടിരിക്കുകയാണ് ഇതു മൂലം സിനിമാ നിര്‍മ്മാണം കൂടുതല്‍ ജനകീയമായി. മലയാളത്തിലെ കാര്യം നമ്മള്‍ ചര്‍ച്ച ചെയ്യേണ്ടിയിരിക്കുന്നു.
5 വിദേശചിത്രങ്ങളെക്കുറിച്ച്?
ഹോളിവുഡ് സിനിമകളുടെ അധിനിവേശക്കാലത്ത് ശക്തമായ പ്രമേയങ്ങളുള്ള സിനിമകള്‍ വിദേശങ്ങളില്‍ നിന്ന് പുറത്തിറങ്ങുന്നത് സന്തോഷം പകരുന്നു.
6 ചലച്ചിത്രമേള സംഘാടകര്‍ കൂടുതലായി എന്തെങ്കിലും ചെയ്യേണ്ടതുണ്ടോ?
മേള കേരളത്തിന്‍റെ കൂടുതല്‍ സ്ഥലങ്ങളിലേക്ക് വ്യാപിക്കേണ്ടതുണ്ട്. കൂലി പണി വേണ്ടെന്ന് വെച്ച്, ഓട്ടോ ഓട്ടം വേണ്ടെന്ന് വെച്ച് സിനിമ ആസ്വദിക്കുവാന്‍ വരുന്നവരോട് സംഘാടകര്‍ ചെയ്യേണ്ട കടമയാണിത്.
